പഠനതന്ത്രങ്ങൾ

 

പഠനതന്ത്രങ്ങൾ

1.       സംവാദാത്മക പഠനതന്ത്രങ്ങൾ

2.       ഗവേഷണാത്മക പഠനതന്ത്രങ്ങൾ

3.       നിര്മാണാത്മക പഠനതന്ത്രങ്ങൾ

4.       സർഗാത്മക   പഠനതന്ത്രങ്ങൾ

5.       വ്യക്തിഗത പഠനം 

6.       സംഘപഠനതന്ത്രങ്ങൾ

 

സംവാദാത്മക പഠനതന്ത്രങ്ങൾ

·        ചർച്ച

·        സംവാദം

·        സെമിനാർ

ചർച്ച (Discussion)

ഒരു നിശ്ചിത ലക്‌ഷ്യം നേടുന്നതിന് ആശയങ്ങളും വിവരങ്ങളും മുഖാമുഖം കൈമാറുന്ന പ്രക്രിയയാണ് ചർച്ച.

ചർച്ചകളെ രണ്ടായി തിരിച്ചിരിക്കുന്നു

·        ഔപചാരിക ചർച്ചകൾ - ക്ലാസ്സിൽ പഠനപ്രവർത്തനത്തോടൊപ്പം നടക്കുന്നവ

·        അനൗപചാരിക ചർച്ചകൾ  - പാനൽ ചർച്ചകൾ, സിംപോസിയം, സെമിനാർ എന്നിവ

സംവാദം

രണ്ടോ അതിലധികമോ പഠിതാക്കൾ ഒരു വിഷയത്തെ സംബന്ധിച്ചു വ്യത്യസ്തമായ അഭിപ്രായങ്ങൾ യുക്തിസഹമായി അവതരിപ്പിക്കുന്ന ചർച്ചരൂപമാണ്‌ സംവാദം.

സവിശേഷതകൾ

§  ജനാധിപത്യ സ്വഭാവമുള്ള ഒരു ആശയവിനിമയ രീതി.

§  കുട്ടികളെ പ്രചോദിപ്പിക്കുകയും ശേഷി വികസനത്തിനും സഹായിക്കുന്നു.

§  കുട്ടികളുടെ വിമർശന ചിന്തയെ(critical thinking)വളർത്തുന്നു.

§  ഒരു വിഷയത്തിന്റെ വിവിധ കാഴ്ചപ്പാടുകൾ വിശകലനം ചെയ്യുന്നു.

§  പഠിതാവിന്റെ ആശയ വിനിമയ ശേഷി വർധിപ്പിക്കുന്നു.

§  പ്രതിപക്ഷ ബഹുമാനം വളർത്തുന്നു.

പ്രവർത്തനം

ü  രണ്ടു ഗ്രൂപ്പുകൾ ഉണ്ടാക്കുന്നു.

ü  കുട്ടികളിലൊരാളോ അദ്ധ്യാപകനോ മോഡറേറ്ററായി പ്രവർത്തിക്കുന്നു.

ü  രണ്ടു വാദങ്ങളെയും ക്രോഡീകരിക്കണം

ü  ധാരണകൾ ഭരണഘടനാമൂല്യങ്ങൾക്ക് വിരുദ്ധമാവരുത്.

സെമിനാർ

ആശയങ്ങളുടെ വിശകലനത്തിനും വിശദീകരണത്തിനും സഹായിക്കുന്ന നൂതന പഠനതന്ത്രമാണ് സെമിനാർ.

പ്രവർത്തനം

Ø  മുൻകൂട്ടി നിശ്ചയിച്ച ഒരു വിഷയത്തിൽ ഒന്നോ അതിൽ കൂടുതലോ പഠിതാക്കൾ പ്രബന്ധം തയ്യാറാക്കുന്നു.

Ø  ഒന്നിൽ കൂടുതൽ പേർ അവതാരകരായിട്ടുണ്ടെങ്കിൽ പ്രസ്തുത വിഷയത്തിൻറെ വിവിധ വശങ്ങൾ അവതരിപ്പിക്കുന്നു.

Ø  മോഡറേറ്ററുടെയും മറ്റു സഹപാഠികളുടെയും മുന്നിൽ വിഷയം അവതരിപ്പിക്കുന്നു.

Ø  തുടർന്ന് ചോദ്യോത്തരസമയവും ചർച്ചയും നടത്തുന്നു.

Ø  ഒടുവിൽ മോഡറേറ്റർ ആശയങ്ങൾ ക്രോഡീകരിക്കുന്നു.

ഗവേഷണാത്മക പഠനതന്ത്രങ്ങൾ

വിവരങ്ങളുടെയും വസ്തുതകളുടെയും അടിസ്ഥാനത്തിൽ യുക്തിസഹമായി ചിന്തിച്ചു പ്രശ്നം പരിഹരിക്കുന്ന പഠനതന്ത്രമാണ്.

Ø  പ്രോജക്ട്

Ø  സർവേ

പ്രോജക്ട്

പ്രോജക്ട് ഒരു പഠനരീതിയിട്ടും പഠനതന്ത്രമായും പ്രയോജനപ്പെടുത്തുന്നു. പ്രവർത്തനത്തിലൂടെ പഠനം എന്ന തത്വമാണുപയോഗിക്കുന്നതു.

പ്രോജക്ട് ഒരു രീതി ശാസ്ത്രമാണ്. പ്രോജക്ട് രീതി പ്രയോഗികവാദത്തിൻറെ ഭാഗമാണ്.

നിർമ്മാണാത്മക തന്ത്രങ്ങൾ.

ശാരീരികമായ ശേഷി ഉൾകൊള്ളുന്ന പ്രവർത്തനങ്ങൾ ആണ് ഈ വിഭാഗത്തിൽ പെടുന്നത്. ഉദാഹരണമായി പഠനപ്രക്രിയയുടെ ഭാഗമായി മോഡലുകളുടെ നിർമ്മാണം, രൂപങ്ങൾ, പഠനോപകരണങ്ങൾ, ഐ സി ടി പ്രയോജനപ്പെടുത്തി തയാറാക്കുന്ന സാമഗ്രികൾ . ചലനപര പഠനശൈലിയിൽ ഇതു നടപ്പിലാകുന്നു. 

മികവുകൾ

Ø  ഏകാഗ്രതയോടുള്ള പ്രവർത്തനം ഉറപ്പിക്കുന്നു.

Ø  പഠനത്തിന്റെ ഭാഗമായി മൂർത്തമായ ഉത്പന്നങ്ങൾ രൂപപ്പെടുന്നു.

Ø  ആത്മവിശ്വാസവും ആനന്ദവും ലഭിക്കുന്നു.

സർഗാത്മക തന്ത്രങ്ങൾ(Creative strategies)

പഠനപ്രക്രിയയുടെ ഭാഗമായി സർഗാത്മക പ്രവർത്തനങ്ങൾക്കിടം നൽകുന്ന തന്ത്രമാണ്

•         ആശയം നാടകമാക്കൽ

•         റോൾപ്ലേ

•         പാവനാടകം

•         നൃത്താവിഷ്കാരം

•         ശില്പശാലകൾ

വ്യക്തിഗത പഠനം 

v  കുട്ടികളുടെ സവിശേഷ കഴിവുകളും താല്പര്യവും പരിഗണിച്ചു മുന്നേറുന്ന ഒരു പഠനതന്ത്രമാണ്.

v  സ്വയം പഠിച്ചു മുന്നേറാൻ സാധിക്കുന്നവർക്കു അത്തരത്തിലുള്ള അവസരങ്ങൾ നൽകുന്നു.

v  ജർമ്മൻ ബോധനരീതി ശാസ്ത്രജ്ഞനായ ഫ്രോബെൽ ആണ് ഈ രീതിക്കു അടിസ്ഥാനമിട്ടത്

വ്യക്തിഗത പഠനസന്ദർഭങ്ങൾ

§  സ്വയം വായിച്ചു ആശയം ഗ്രഹിക്കൽ

§  റഫറൻസിങ്

§  വായിച്ചു കുറിപ്പ് തയ്യാറാക്കൽ

ആവർത്തനപാഠം

1.       വിവിധ പഠനതന്ത്രങ്ങൾ ഏവ?

2.       വ്യക്തിഗത പഠനത്തിന്റെ ഗുണങ്ങൾ എന്തെല്ലാം?

3.       സർഗാത്മകപഠനതന്ത്രങ്ങൾ ഉപയോഗപ്പെടുത്താവുന്ന പാഠഭാഗങ്ങൾ 5 ആം ക്ലാസ്സിലെ സയൻസ് പുസ്തകത്തിൽ നിന്നും കണ്ടെത്തുക.