പഠനരീതി
|
Name : Kavitha Kamal R College: Buddha College of Teacher Education Class: Second Semester D. El. Ed Date: 08/09/2021 Duration: 45 min |
Subject: Philosophy Unit: 3 പഠനരീതികളും പഠനതന്ത്രങ്ങളും Topic: പഠനരീതി Learning aids: PPT. |
Lesson Notes - 2
പഠനരീതി
നിലവിലുള്ള പാഠ്യപദ്ധതിയാണ് പഠനരീതി ഏതു വേണമെന്ന് നിശ്ചയിക്കുന്നത്.
കേരളത്തിൽ
സാമൂഹിക ജ്ഞാന നിർമ്മിതിവാദത്തിലധിഷ്ഠിതമായ പാഠ്യപദ്ധതിയാണ് നടക്കുന്നത്.
പഠനരീതികളെ രണ്ടായി തിരിക്കാം
1. ശിശുകേന്ദ്രിത പഠനരീതി
2. അദ്ധ്യാപക കേന്ദ്രിത പഠനരീതി
ശിശുകേന്ദ്രിത പഠനരീതികൾ
അന്വേഷണാത്മക രീതി
പ്രശ്നപരിഹരണരീതി
അപഗ്രഥനരീതി
പ്രോജക്ട് രീതി
കളിരീതി
അന്വേഷണാത്മക രീതി (inquiry method)
അന്വേഷണാത്മകരീതിയെ ഹ്യുറിസ്റ്റിക് രീതി അല്ലെങ്കിൽ കണ്ടെത്തൽ രീതി എന്നും വിളിക്കുന്നു.
ഉപജ്ഞാതാവ് - പ്രൊഫ. ഹെൻറി എഡ്വേഡ് ആംസ്ട്രോങ് .
നിർവചനം
– heuristic method is a method of teaching which involves our placing of
children as far as possible in the attitude of a discover.
v കുട്ടി സ്വയം പ്രശ്നപരിഹാരം
കണ്ടെത്തുകയും കണ്ടുപിടിക്കുകയും ചെയ്യുന്ന രീതി.
v കുട്ടിയുടെ പ്രകൃതവുമായി ഏറെ ഇണങ്ങുന്നതു.
v ഒരു സന്ദർഭമായോ അനുഭവമായോ ഉണ്ടാകുന്ന സംശയ നിവാരണത്തിനുള്ള അന്വേഷണമാണ് ഈ രീതിയുടെ കാതൽ.
അദ്ധ്യാപകന്റെ പങ്ക്
Ø പഠനാംശവുമായി
ബന്ധപ്പെട്ട പ്രശ്നങ്ങൾ ഉന്നയിച്ചു കുട്ടിയിൽ അന്വേഷണത്വര സൃഷ്ടിക്കണം
Ø അന്വേഷണരീതി, ചോദ്യങ്ങൾ എന്നിവ അർത്ഥപൂര്ണമാകാൻ പരോക്ഷമായി സഹായിക്കുകയും പ്രത്യക്ഷമായി പ്രോത്സാഹിപ്പിക്കുകയും വേണം.
അന്വേഷണാത്മക രീതിയുടെ സവിശേഷതകൾ
o
സ്വന്തം അന്വേഷണത്തിലൂടെയും അനുഭവത്തിലൂടെയും അറിവ് നേടുന്നു.
o
പ്രശ്നപരിഹരണത്തിൽ ആനന്ദമനുഭവിക്കുന്നു .
o
തെറ്റിനെ ഭയപ്പെടുന്നില്ല.
o
കാഴ്ചപ്പാടിൽ അയവുണ്ടാകുന്നു.
o
എല്ലാ ചോദ്യങ്ങൾക്കും അന്തിമമായ ഉത്തരം വേണമെന്ന് ശഠിക്കുന്നില്ല.
o
ഉത്തരത്തോടൊപ്പം കടന്നുപോയ പ്രക്രിയയും തുടർ പഠനത്തെ സഹായിക്കുന്നു.
o
സ്വയം പഠനത്തിന്റെ രീതിശാസ്ത്രം തിരിച്ചറിയുന്നു.
പ്രശ്നപരിഹരണരീതി
പഠനസന്ദർഭത്തിലോ ജീവിത സന്ദർഭത്തിലോ നേരിടുന്ന പ്രശ്നത്തെ പരിഹരിക്കുന്നതിനുള്ള അവസരമൊരുക്കുകയും പ്രശ്നവിശകലനം ചെയ്തു പരിഹാര പ്രവർത്തനങ്ങൾ നടത്തി പ്രശ്നം പരിഹരിക്കുന്ന രീതി.
ഉപജ്ഞാതാവ് - മേയർ (1983 )
അദ്ദേഹത്തിന്റെ അഭിപ്രായത്തിൽ ബഹുതലങ്ങളുള്ള ഒരു പ്രക്രിയയാണ് പ്രശ്നപരിഹരണരീതി. പ്രശ്നപരിഹാരകാൻ തൻ നേരിടുന്ന പ്രശ്നവും മുന്നനുഭവങ്ങളും തമ്മിലുള്ള ബന്ധം കണ്ടെത്തിവേണം പരിഹാരത്തിനായി ശ്രമം തുടരുവാൻ.
നേട്ടങ്ങൾ
o
അമൂർത്തമായ പ്രശ്നപരിഹരണശേഷി വികസിപ്പിക്കാൻ സഹായിക്കുന്നു.
o
പ്രതിഫലനാത്മക ചിന്ത , യുക്തിചിന്ത എന്നിവ വളർത്തുന്നതിന് സഹായിക്കുന്നു.
പ്രശ്നപരിഹരണ പഠനരീതിയിൽ അദ്ധ്യാപകൻ പിന്തുടരേണ്ട ഘട്ടങ്ങൾ
·
പ്രശ്നം എന്തെന്ന് നിർണ്ണയിക്കൽ
·
പ്രശ്നത്തെക്കുറിച്ചും പ്രശ്നകാരണത്തെക്കുറിച്ചും വിവിധ സ്രോതസ്സുകളെക്കുറിച്ചു മനസ്സിലാക്കൽ
·
പ്രശ്നകാരണങ്ങളുടെ വിശകലനവും സാധ്യമായ പരിഹാരങ്ങൾ നിർദ്ദേശിക്കലും
·
പരിഹാരങ്ങളുടെ ശക്തിദൗർബല്യങ്ങളും ദൂരവ്യാപകഫലങ്ങളും കണ്ടെത്തൽ.
·
ലക്ഷ്യത്തിലെത്തുന്നതിനു ഏറ്റവും യോജിച്ച പരിഹാരമാർഗം തിരഞ്ഞെടുക്കൽ.
·
പരിഹാരമാർഗത്തിന്റെ ഫലപ്രാപ്തി വിലയിരുത്തത്തിനുള്ള മാനദണ്ഡങ്ങൾ നിശ്ചയിക്കൽ.
അദ്ധ്യാപകന്റെ പങ്ക്
v പ്രശ്നം നിർവചിക്കുന്നതിനു അവസരമൊരുക്കൽ.
v
ഓരോ ഘട്ടത്തിലും ആവശ്യമായ സഹായമൊരുക്കൽ.
v നിർദേശങ്ങൾ രൂപീകരിക്കാൻ സഹായിക്കൽ
v ഓരോ നിർദേശത്തെയും വിലയിരുത്താൻ അവസരമൊരുക്കൽ
v നിഗമനങ്ങളുടെ കൃത്യത, യുക്തി എന്നിവ ഉറപ്പാക്കുന്നതിൽ സഹായിക്കൽ
അപഗ്രഥന രീതി (Analytical Method)
അപഗ്രഥനം
മനസ്സിൻറെ ഉയർന്ന തലത്തിലുള്ള പ്രകടനമാണെന്നു തൊണ്ടേക്കു (Thondike)അഭിപ്രായപ്പെടുന്നു.
പ്രശ്നത്തെ ഉപപ്രശ്നങ്ങളാക്കി മാറ്റി പരിഹാരം കാണുന്ന പ്രക്രിയയാണ് അപഗ്രഥന രീതി.
പ്രധാന നേട്ടങ്ങൾ
ü എല്ലാ സംശയങ്ങളെയും ദൂരീകരിക്കാൻ കഴിയുന്ന യുക്തിസഹമായ രീതി.
ü കണ്ടെത്തൽ പഠനത്തിനും ആശയഗ്രഹണത്തിനും യോജിച്ച രീതി.
ü ഓരോ ഘട്ടവും വികസിച്ചു വരുന്നതും യുക്തിസഹവും നീതീകരിക്കാൻ കഴിയുന്നതുമാണ്.
ü ഓരോ ഘട്ടത്തിലും നിരവധി ചോദ്യങ്ങളെ അഭിമുഖീകരിക്കുന്നതിനാൽ പഠിതാവിൻറെ ചിന്താശേഷി വർധിപ്പിക്കും.
ü പ്രശ്നത്തിന്റെ വിവിധ വശങ്ങളും പ്രശ്നകാരണവും തിരിച്ചറിയാൻ കഴിയും.
ü പ്രശ്നത്തിൽ അന്തർലീനമായ ആശയങ്ങളെ തിരിച്ചറിയാൻ സഹായിക്കും.
പരിമിതികൾ
o
ദൈർഘ്യമേറിയ പ്രക്രിയയാണ്.
o
മികവും വേഗവും ആർജിക്കാൻ പ്രയാസം
o
ഉയർന്ന തലത്തിലുള്ള രീതിയായതിനാൽ എല്ലാവർക്കും ഒരുപോലെ പ്രാപ്യമാകുന്നില്ല.
ആവർത്തനപാഠം
1. പ്രശ്നപരിഹരണരീതിയിലെ ഘട്ടങ്ങൾ ഏതെല്ലാം?
2. അപഗ്രഥനരീതിയുടെ നേട്ടങ്ങൾ എന്തെല്ലാം ?
Comments
Post a Comment