പ്രോജക്ട് രീതി(Project Method)

 

Lesson Notes 3

പ്രോജക്ട് രീതി(Project Method)

ഒരു യഥാർത്ഥ ജീവിത പ്രശ്നമോ സാന്ദർഭികമായി വരുന്ന പ്രശ്നമോ നിശ്ചിത സമയപരിധിക്കുള്ളിൽ അപഗ്രഥിച്ചു പരിഹാരം കണ്ടത്തുന്ന ഒരു പ്രക്രിയയാണ്.

ജോണ് ഡ്യുയിയുടെ പ്രയോഗികവാദവുമായി ബന്ധമുള്ള ഒരു രീതിയാണ്.

പ്രോജക്ട് രീതിയുടെ പ്രത്യേകതകൾ

 

പ്രശ്നം(problem based) :	പഠിതാക്കൾ നേരിടുന്നപ്രശ്നപരിഹരണത്തിനു വേണ്ടിയുള്ളതാണ്. പ്രശ്നത്തെക്കുറിച്ചുള്ള തിരിച്ചറിവാണ് പ്രോജക്ടരീതിയുടെ ആദ്യഘട്ടം
ഉദ്ദേശ്യം (objective based):	ഉദ്ദേശം സംബന്ധിച്ചു പഠിതാക്കൾക്ക്  കൃത്യമായ ധാരണയുണ്ടായിരിക്കും.
പ്രവർത്തനം(activity based):	ഉദ്ദേശം കൃത്യമായാൽ അനുകൂലമായ   പഠനാന്തരീക്ഷത്തിൽ ആസൂത്രണത്തിലൂടെയും ചർച്ചയിലൂടെയും സംഘപ്രവർത്തനങ്ങളിലൂടെയും പഠനം തുടങ്ങുന്നു.
യാഥാർഥ്യം(realistic):	ഫലപ്രദമായ പഠനത്തിന് യഥാർത്ഥമായ ജീവിത സന്ദർഭം ഒരുക്കണം.
സ്വാതന്ത്ര്യം(freedom):	ഫലപ്രദമായ പഠനത്തിന് സ്വതന്ത്രമായ പഠനത്തിന്അവസരമൊരുക്കണം
ഉപയോഗം (usability):	നേടിയ അറിവ് പ്രശ്നങ്ങൾ പരിഹരിക്കുന്നതിന് സഹായിക്കണം
ഉദ്ഗ്രഥനം (integration):	ഒരു പ്രശ്നം പരിഹരിക്കുന്നതിന് വിവിധവിഷയങ്ങളുടെ ഉദ്ഗ്രഥനം നടക്കണം
ജനാധിപത്യ മൂല്യങ്ങൾ : (Democratic values):	ആശയങ്ങൾ കൊടുത്തും വാങ്ങിയുമാണ് പ്രോജക്ട് രീതി മുന്നേറുന്നത്. ചർച്ച, സംവാദം എന്നീ ജനാധിപത്യ  രീതികൾ ഇതിൻറെ ഭാഗമാണ്.

 

പ്രോജക്ട് രീതിയുടെ മികവുകൾ

·        സജീവമായ പഠനപ്രക്രിയയാണ്.

·        സമ്പൂർണ പങ്കാളിത്തം

·        സമഗ്ര വ്യക്‌തിത്വ വികസനം

·        നേടുന്ന അറിവ് ഭാവിജീവിതത്തിൽ സഹായകമാകുന്നു.

·        പൂർണ സ്വര്യം അനുഭവിക്കുന്നു.

·        ആത്മവിശ്വാസവും ഉത്തരവാദിത്വബോധവും ഉയർത്തുന്നു.

·        സാമൂഹ്യഗുണങ്ങൾ ആർജിക്കുന്നു.

·        പഠനത്തിൽ ആന്തരിക പ്രചോദനം ലഭിക്കുന്നു.

·        തുടർ പഠനത്തെ സഹായിക്കുന്നു.

·        യഥാർത്ഥ ജീവിത സന്ദർഭങ്ങൾ പഠനത്തിന് കാരണമാകുന്നു.

·        ലക്ഷ്യത്തിലെത്താൻ കൃത്യതയോടെ പ്രവർത്തനങ്ങൾ ചെയ്യുന്നു

ആഗമന നിഗമന രീതി (Inductive and Deductive Method)

ആഗമന രീതിയിൽ ഉദാഹരണങ്ങളിൽ നിന്നും പൊതുതത്വത്തിലേക്കും നിഗമന രീതിയിൽ പൊതുതത്വത്തിൽ നിന്ന് ഉഹരണങ്ങളിലേക്കു എത്തിച്ചേരുന്നു. Deductive Method – General to Particular Inductive Method Particular to General

ആഗമനരീതി (Inductive Method)

Ø  ഉദാഹരണങ്ങളിലൂടെയും അനുഭവങ്ങളിലൂടെയും പൊതുതത്വത്തിലേക്കു എത്തിച്ചേരുന്ന പഠനരീതിയാണ്.

Ø  പഠിതാവിൻറെ നിരീക്ഷണത്തിലൂടെയും വിശകലനത്തിലൂടെയും ആശയരൂപീകരണം നടക്കുന്നു.

Ø  സ്വാഭികമായി അറിവ് സ്വായത്തമാക്കുന്നു.

Ø  പഠിതാവ് തൻറെ ബുദ്ധി, മുന്നനുഭവം, ചിന്താശേഷി എന്നിവ പ്രയോജനപ്പെടുത്തുന്നു.

Ø  സ്വന്തമായി ആശയം രൂപപ്പെടുത്തുന്നതിനാൽ ദീർഘകാലം ഓർമയിൽ നിലനിർത്താൻ കഴിയുന്നു.

Ø  നിശ്ചിത വിഷയത്തിൽ കാഴ്ചപ്പാട് രൂപീകരിക്കാനും അതുവഴി ആശയഗ്രഹണം എളുപ്പമാക്കാനും കഴിയുന്നു.

Ø  ശിശുകേന്ദ്രിത പഠനരീതിയാണ്.

പരിമിതികൾ

v  സമയക്കൂടുതൽ, ഭാവന, സർഗാത്മകത എന്നിവ ആവശ്യമായി വരുന്നു.

v  കൂടുതൽ അദ്ധ്യാപന വൈദഗ്ദ്യം ആവശ്യമാണ്.

v  പൊതുതത്വത്തിലെത്താൻ സൂക്ഷ്മമായ വിശകലന ബുദ്ധി ആവശ്യമാണ്.

നിഗമനരീതി(Deductive Method)

      ആദ്യം സിദ്ധാന്തം അഥവാ നിയമം അവതരിപ്പിക്കുകയും പിന്നീട് സന്ദർഭങ്ങളിലൂടെയും ഉദാഹരണങ്ങളിലൂടെയും ആശയം വിശദമാക്കുന്ന രീതിയാണ്.

      വിനിമയം ചെയ്യപ്പെടുന്ന ആശയങ്ങൾ മുൻകൂട്ടി നിശ്ചയിക്കപ്പെട്ടവയായിരിക്കും.

      വ്യവഹാരവാദത്തിലധിഷ്ഠിതമായ പാഠ്യപദ്ധതിയിൽ പ്രയോജനപ്പെടുന്നു.

      അദ്ധ്യാപക കേന്ദ്രിത രീതിയാണ്.

      കുറഞ്ഞസമയത്തിനുള്ളിൽ ആശയം വിശദീകരിക്കാൻ കഴിയുന്നു.

     ആശയങ്ങൾ കേട്ടുപഠിക്കുന്നു.

DGP - IPG

പരിമിതികൾ

§  കുട്ടി സ്വയം അറിവ് നിർമ്മിക്കുന്നില്ല

§  കുട്ടികളിൽ ആശ്രിതത്വം വളർത്തുന്നു.

§  സാമൂഹിക ജ്ഞാന നിർമ്മിതി വാദത്തിലധിഷ്ഠിതമായ പാഠ്യപദ്ധതിക്ക് യോജിക്കുന്നില്ല.

പ്രഭാഷണരീതി

Ø  കുട്ടികളിൽ വിവരം നിറയ്ക്കുവാൻ ലക്ഷ്യമിടുന്ന ഒരു അദ്ധ്യാപക കേന്ദ്രിത പഠനരീതിയാണ്.

Ø  അദ്ധ്യാപകൻ സംസാരിക്കുകയും കുട്ടികൾ കേൾവിക്കാരുമായിരിക്കും.

Ø  വിഷയത്തെക്കുറിച്ചുള്ള പൊതുവിവരങ്ങൾ നൽകുന്നതിന്.

Ø  നിർദേശങ്ങൾ നൽകുന്നതിന്

Ø  അടിസ്ഥാന മനോഭാവത്തിൽ മാറ്റം വരുത്തുന്നതിന്.

Ø  ചെലവുകുറഞ്ഞ രീതിയാണ്.

Ø  കൂടുതൽ പേരെ ഒരേ സമയം ഉൾക്കൊള്ളുന്നു.

Ø  മറ്റു പഠനോപകരണങ്ങൾ,ലാബ്, ലൈബ്രറി ഒന്നും തന്നെ ആവശ്യമില്ല

Ø  വേഗത്തിൽ അറിവ് വിനിമയം ചെയ്യുന്നു.

Ø  അഭിപ്രേരണ വർധിപ്പിക്കുകയും സര്ഗാത്മകചിന്തനത്തെ പ്രചോദിപ്പിക്കുകയും ചെയ്യുന്നു.

പ്രഭാഷണരീതിയുടെ  4 ധർമങ്ങൾ (Washey, Edgar B, Wronski, Stanley എന്നിവരുടെ അഭിപ്രായത്തിൽ)

1.       കുട്ടികളിൽ താല്പര്യമുണർത്തുന്നതിന്

2.       വ്യക്തതവരുത്തുവാൻ

3.       അവലോകനം ചെയ്യുവാൻ

4.       വിപുലീകരിക്കാൻ

പ്രഭാഷണത്തെ വിലയിരുത്തുമ്പോൾ

·        പ്രഭാഷകൻറെ ഉള്ളടക്ക ധാരണ

·        ഭാഷ നൈപുണി

·        അവതരണത്തിലെ സുതാര്യത.

·        ദൃശ്യ ശ്രവ്യ ഉപകരണങ്ങളുടെ ഉപയോഗം

·        കുട്ടികളുടെ ശ്രദ്ധയും ബൗദ്ധിക പങ്കാളിത്തവും.

ആവർത്തനപാഠം

1.       പ്രഭാഷണരീതിയുടെ ഗുണങ്ങൾ വിശദീകരിക്കുക?

2.       ആഗമന നിഗമന രീതികളെ താരതമ്യം ചെയ്യുക.